مرحبــاً بكـ عزيزي الزائر في واحة الإسلام
اضغط هنا للتسجيل
أنضموا إلينا في صفحة واحة الإسلام الرسمية في الفيس بوك

أنظم لمتآبعينا بتويتر ...

آو أنظم لمعجبينا في الفيس بوك ...
قديم 12-11-05, 10:34 AM   #1


الصورة الرمزية عزتي في ديني
عزتي في ديني غير متواجد حالياً

بيانات اضافيه [ + ]
 رقم العضوية : 1186
 تاريخ التسجيل :  Apr 2012
 أخر زيارة : 14-06-05 (09:55 AM)
 المشاركات : 368 [ + ]
 التقييم :  10
لوني المفضل : Cadetblue
2 قصة سيدنا موسى عليه السلام ..للأستاذ خــــــــالد محمود



السلام عليكم ورحمة الله وبركاته

يارب اهل الصحبة كلهم يكونوا بخير وفى أفضل حال وربنا يمعنى بيكم جميعا فى الجنة ومع نبينا محمد عليه أفضل الصلاة وأزكى السلام
عدت إليكم من جديد مع المحاضرات المستمرة وان شاء الله هبدأ معاكم محاضرات متميزة
والمرة دى هتكون عن قصة سيدنا موسى عليه السلام كليم الله
وهنعيش مع بعض قصته عليه السلام من المولد إلى الوفاة وهنعيش معاها لحظة بلحظة وهنشوف أقوى الأحداث والمواقف الموجودة فى قصة سيدنا موسى وهنتعلم منه أجمل الدروس اللى نطبقها فى حياتنا وتغير فى سلوكياتنا وأخلاقنا وكل ذلك من خلال قصة سيدنا موسى عليه السلام
وان شاء الله هبدأ فى تنزيل المحاضرات أسبوعيا كل اسبوع محاضرة عن حياة سيدنا موسى
عليه السلام من المولد إلى الوفاة
وهتكون المحاضرة اسبوعيا بداية من الخميس المقبل الموافق 1/11/2012
وهتكون كل اسبوع محاضرة كل يوم خميس وهنعيش معاها ومع الأحداث
وهتكون فى مفاجأت وحاجات جميلة جدا فى حياة سيدنا موسى
فانتظرووووووووووووووناااااااااااااااااا
وربنا يوفقنى وإياكم لما يحبه الله ورسوله



 

رد مع اقتباس
قديم 12-11-05, 10:36 AM   #2


الصورة الرمزية عزتي في ديني
عزتي في ديني غير متواجد حالياً

بيانات اضافيه [ + ]
 رقم العضوية : 1186
 تاريخ التسجيل :  Apr 2012
 أخر زيارة : 14-06-05 (09:55 AM)
 المشاركات : 368 [ + ]
 التقييم :  10
لوني المفضل : Cadetblue
2 المحاضرة 1 : الحياة قبل مولد سينا موسى عليه السلام 1



بــــسم الله الرحمن الرحيم

محاضراتنا المرة دى عن اطول قصة موجودة فى القرأن ، والقصة عبارة عن ربع القرأن لأن سور كتير بتتكلم بالتفصيل عن قصة سيدنا موسى منها ( سورة القصص – سورة طه – سورة الشعراء – البقرة ...... )
تقريبا القصة بتشمل ربع القرأن وبتفسر ربع القرأن ، يعنى انا بقدملكم فرصة انكم تفهموا ربع القرأن ، عشان كدا هدفى ان احنا نفهم القرأن ونحبه ونمشى عليه ونحسه ونستشعره ونصلح اخلاقنا بيه ويبقى هو خلقنا وطريقة حياتنا من خلال القرأن عامة ومن خلال قصة سيدنا موسى خاصة وناخد القيم والدروس اللى فيها ونعيشها ونفهمها ونحبها ونطبقها فى حياتنا كلها .

فى ناس كتير عندها حاجز ما بينها وبين القرأن الكريم ، وفى ناس كتير بتقول انها مش عارفة تفهم القرأن وأنها لغة صعبة عليها للفهم ، فربنا سبحانه وتعالى اختار القصة كوسيلة سهلة ومناسبة وشيقة لكل الأجناس والأعمار ، وربنا غرس فى الجنس البشرى حب القصة لأنها شيقة وجذابة
فجعل الله عز وجل ثلث القرأن كله قصص ، وربع القرأن متمثل فى قصة سيدنا موسى ، وقصص أخرى .

فالقصة فى القرأن هى المعبر التى تمر من عليه عشان تفهم القرأن
فأول ما تبدأ تفهم القصص فتقول ( الله ) دا القرأن جميل قوى وبدأت افهمه
فتحب القرأن وتمشى عليه وتنفذ كل مافيه فتصبح من العظماء .

فالقصة هى الطريقة العملية والسهلة اللى ربنا اختارها لتوصيل افكار القرأن والكبرى والمعانى الكبيرة اللى فيها والدروس والمواعظ اللى فيها زى ( التوحيد – لا إله إلا الله – اسماء الله الحسنى وغيرها ) كل دا هنفهمه من خلال القصة فى القرأن ان شاء الله .

فاحنا هنعيش مع بعض قصة سيدنا موسى وبنى اسرائيل ، وهى أطول قصة فى القرأن وهى ربع القرأن ، وذكرت فى ( 45 – 50 سورة ) ، وعدد سور القرأن ( 114 ) – ( 50 منهم ) لقصة سيدنا موسى عليه السلام .

على فكرة سيدنا موسى ذكر فى القرأن ( 136 مرة ) ، فهو اكثر نبى ذكر فى القرأن ، وسيدنا موسى غالى قوى على ربنا ، دا هو كليم الله ومن أولى العزم من الرسل .

ومن اهداف قصة سيدنا موسى ان احنا نحب سيدنا موسى :

قال الله سبحانه وتعالى له :
{... وَأَلْقَيْتُ عَلَيْكَ مَحَبَّةً مِّنِّي وَلِتُصْنَعَ عَلَى عَيْنِي} (طه:39)

وقال الله سبحانه وتعالى له :

{وَاصْطَنَعْتُكَ لِنَفْسِي} (طه:41)

- فقصة سيدنا موسى غالية قوى وغنية قوى ومليئة بالأحداث ومليانة قيم وكل محاضرة ان شاء الله هنركز فيها على قيمة معينة وهنعيش معاها ونستفيد من القصة ومن القيمة فى واقعنا الحالى .

بداية القصة فى مصر على ضفاف النيل وهناك بدأت القصة من زمن بعيد :

القصة حصلت سنة ( 1200 ) ق . م يعنى قبل ميلاد سيدنا عيسى بـ ( 1200 سنة ) ، وبين سيدنا عيسى والنبى عليه الصلاة والسلام ( 600 سنة ) ، يبقى القصة بينا وبينها قد ايه ( 3200 ) سنة
ويا ترى الأحداث اللى فيها حصلت من ( 3000 سنة ) ق . م ، ولا حصلت دلوقتى من كتر ما القيم والأحداث متشابهة .

طب العالم كان عامل ازاى :

كان العالم مختلف تماما عن العالم اللى احنا عايشين فيه دلوقتى ، كان العالم عبارة عن آسيا وأفريقيا فقط ، عالم ما قبل أوربا وأمريكا
وكانت مصر هى مركز العالم دا ومركز الحضارة والثقافة والقوة والثروة
( الفلوس فى مصر – الثقافة فى مصر – القوة العسكرية فى مصر
الحضارة فى مصر )

وكانت مصر فيها علماء من طراز نادر جدا ، علماء مش موجودين وعلومهم لم تكتشف إلى الأن كـ ( علم التحنيط والكيمياء – علم فن الرسم على المعابد والجدران – علم البناء والمعمار والأهرامات )
يعنى لو جايزة نوبل كانت معروفة وقتها كانت مصر حصدت فى ذلك الوقت
( 90% ) من جوائز نوبل .

لكن بالرغم من كل اللى فيها دا من عظمة وقوة وحضارة إلا أنه كان ينقصها حاجتين كبار أساسيتين ( الإيمان – العدل ) وعشان كدا القصة دى أكتر قصة اتكررت فى القرأن وعشان كدا القصة دى ربع القرأن ، لأان أهم أساسين يقوم عليهم بناء الأمم وإصلاح الأمم هما ( الإيمان – العدل ) .

وبطل قصتنا قادم عشان الحاجتين دول ، فهو بطل الحرية ، هو نصير الغلابة والمظلومين ، بطل قصتنا طالع من قلب مصر ، وكانت مصر فيها نوعين من الناس عايشين فيها ( الناس اللى فوق – الناس اللى تحت ) .

- الناس اللى تحت كان اسمهم ( بنى اسرائيل ) :

وكانوا عايشين زى العبيد ومحرومين من كل الحقوق وكانوا بيسموا عبيد بالفعل رغم أنهم أحرار مش عبيد ، وكانوا عايشين فى أكواخ بائسة على ضفاف النيل ، وكانوا عايشين حياة فقيرة جداً .

- الناس اللى فوق كان ليهم كل الحقوق وبيتمتعوا بكل ما يحتاجه الإنسان السعيد من مقومات .

وكانت عاصمة مصر فى الوقت دا مدينة اسمها ( برعمسيس ) ودى كانت عاصمة العالم فى الوقت دا ، ودى كانت عاملة زى ( لندن – بغداد ) أيام الحضارة الإسلامية والعباسية ، وبطل قصتنا طالع منها وأحداث القصة بدأت فيها واستمرت فيها .

سبب التسمية لـ ( برعمسيس ) :

هى أصلا كلمة مصرية قديمة معناها ( برع ) ـــــــ بيت الإله رع المتمثل فى رمسيس ، وكانت المدينة دى مكانها دلوقتى ( قطمير ) فى الزقازيق بمحافظة الشرقية بمصر ، وكان النيل بيوصل لغاية المدينة دى لما كانت فروع النيل كتيرة جدا فى الوقت دا ، وكان قصر فرعون فى وسط أشجار بتطل على النيل ، والمدينة دى دلوقتى مبقاش عندها النيل ومبقاش بيوصل ليها النيل .

وكان هناك ناسين ، ناس عايشة على النيل وناس برضه عايشة على النيل
بس ناس عايشة على النيل فى قصور ، وناس عايشة على النيل فى اكواخ بائسة .

وفى كوخ من الأكواخ الفقيرة البائسة اللى موجودة على شط النيل فى هذه المدينة ، كان فى عائلة عايشة ، وكانت الأم حامل فى الشهر الرابع
وهى اسمها ( يوكابيد ) ومتزوجة رجل اسمه ( عمران ) وعندها ولد وبنت
البنت الكبيرة شابة فى ( 18 – 20 ) من عمرها واسمها ( مريم )
الابن الصغير اسمه ( هارون ) ، والأم حامل فى مولود هيأتى بعد عدة أشهر ودا هيكون بطل قصتنا .
بداية القصة وأول مشهد من قصتنا :

بداية القصة فى حى من أحياء بنى اسرائيل ، فى سكون الليل فى وسط حى بنى اسرائيل وهما نايمين ، وفى منتصف الليل فجأة انقطع السكون على صوت صراخ رهيب لامرأة ، صوت الصراخ ملأ كل الحى ، صوت مرعب هيستيرى ، استيقظ الناس وبدأو يجروا على مصدر الصوت ومكان الصوت ، وتفاجأوا ان الصوت طالعمن بيت من بيوت بنى اسرائيل ووجدوا جنود راكبين عربات تجرها الخيول طالعين بيجروا من البيت دا .

طب إيه اللى دخل الجنود هنا ؟

ولقوا أحد الجنود ماسك سكين بتقطر دم فبدأ الناس يجروا على مصدر الدم
ولقوا بيت من البيوت تحته عند باب البيت قطرات من الدم ، فدخل الناس ووجدوا المرأة بتصرخ وبتبكى ، فطلعت امرأة لسه مخلفة من شهرين وفجأة ، دخل الجنود البيت وأزاحوا زوجها
وسألوها : أنتى خلفتى فقالت : أيوا
فقالوا لها : اين ابنك فقالت لهم : ليه

وجابت الولد فإذا بالجندى يأخذ الطفل ويطلع سكين ويذبح الولد أمام عينين امه ووالده ، وبعد كدا يتركوا الأم ويخرجوا ، واتصدمت الأم واتصدم كل بنى اسرئيل واتصدم الحى ، طب ايه اللى حصل ، وليه عملوا كدا ، ومين وراء الجريمة البشعة دى ، هل وراءها جندى مجنون أم هى جريمة منظمة

فسألت بنى اسرائيل اصحاب البيت وقالولهم : انتوا عملتوا ايه عشان يعملوا فيكم كدا

( تخيلوا أم يذبح ابنها امام عينيها وهو طفل رضيع تخيلوا الصدمة عاملة ازاى وتخيلوا المأساة وجرم وبشاعة الموقف عامل إزاى )

تانى يوم الصبح :

بدأت بنى اسرائيل فى التجمع عشان يناقشوا الموضوع دا ، وسألوا نفسهم نشتكى ولا لأ ، نبلغ فرعون ونقول اللى حصل ولا نسكت .
العجيب انهم خافوا يشتكوا وقالوا نسكت أحسن يحصل فينا أكتر من كدا
وبكدا مع المشهد الأول تظهر أول صفة فى قصتنا وهى ( الذل )
فالذل مخلاش عندهم ولا قطرة نخوة حتى وعيالهم بتذبح قدامهم برضه لسه خايفين .

بعد أسبوع :

حصلت نفس القصة طفل أخر ذكر مش بنت بيذبح فى بيت تانى ، بس الجديد فى البيت التانى دا حاجة غريبة :

أن الأم لما دخلوا عليها عشان ياخدوا ابنها الذكر كانت مخلفة توأم فقام الجنود وأخذوا الولد الذكر وذبحوه أمام عينين أمه فإذا بالمرأة تجرى على البنت خايفة عليها أحسن الجنود يذبحوها ، فيضحك الجندى ويقولها :
متخفيش عندنا تعليمات أن احنا مش نقرب للبنت عايزينها لما تكبر

وفى الأسبوع الثالث :

تكررت نفس الجريمة فى بيت تانى بس المرة دى عملوا حاجة جديدة بعد ما دخلوا بيت تانى وذبحوا الولد أخدوه ورموه فى النيل وغرق الطفل الرضيع فى النيل بعد ما ذبح ( شايفين البشاعة عاملة ازاى )

بعد شهر :

وصل عدد الأطفال اللى غرقوا ( 10 أطفال ) – عشر بيوت – عشر أمهات
تخيلوا الرعب اللى عاشت فيه البيوت دى والأمهات دى وحالتهم عاملة ازاى بعد الجريمة الوحشية دى ، والعجيبة ان اللى حصل فيهم زمان فى بنى اسرائيل تلف الأيام ويعملوا كدا دلوقتى فى فلسطين والأطفال الصغيرة .

تخيلوا يا جماعة عشر بيوت فيها عشر أطفال مذبوحين تخيلوا حالة أهاليهم عاملة ازاى ، ويبدأ أهل الحى يتناقشوا فى اللى بيحصل واللى حصل من الجنود .

هل هى جريمة منظمة – أم هل هو جندى مجنون اللى عمل كدا – ولا هل دا تطهير عرقى ، وبدأ ييجى فى دماغ بنى اسرائيل ليه بيحصل كدا فيهم ؟

فدا مش ظلم دا أكثر من الظلم ، فاحنا فى كل محاضرة بنقول قيمة من القيم وكل مرة هنختار قيمة ونركز عليها طول المحاضرة .

قيمة النهاردة ( أيقظ فطرتك ) ، طب ايه هى الفطرة ؟

الفطرة هى بذرة الحق اللى غرسها ربنا فى كل قلب بشرى ، جرس إنذار جوا القلب ربنا حاطه جوانا ، وخذ شديد ألم شديد لما تشوف ظلم أو وحشية ، ختم ربنا ختمه على قلب كل واحد ، والختم دا موجود جوا كل قلب عمره ما يطلع أبداً على اختلاف كل البشرية وأديانهم وجنسياتهم ، جهاز ربنا حاطه جوا القلب يضطرب عند الظلم الشديد وعند الوحشية ، جهاز ربنا خلقه جوانا .

الفطرة دى كل ما تقرب من الحق تهدى وتستريح وجسمك يستريح ، وكل ما تقرب من الظلم الشديد والوحشية تضطرب وتتصلب وتنتفض وتغضب والفطرة دى ربنا خلقها جوانا وربنا خالقها جوانا كدا .

وربنا لم يتدخل فى قتل الأولاد بوحشية لأنه لو تدخل وقتها يبقى بمعجزة
إيه بقى قيمة الفطرة اللى زرعها ربنا جوانا وهى أصلا معجزة من ربنا ( الفطرة ) كان الله سبحانه وتعالى لو تدخل ببطشه هيبقى إيه قيمة الفطرة جوانا ، وكأن من خلق ربنا وعظمته أن استيقظى يا فطرة لما تكون فيه اى حاجة غلط ، فانتى يا فطرة معجزة من ربنا موجودة جوانا فى كل وقت .

وكانت أول النجاح وأول التحرر من الذل ناس عندهم فطر استيقظت ، وبدأت بنى اسرائيل يفوقوا وبدأوا يستيقظوا ، فربنا سبحانه وتعالى طلع من وسطهم نبى صاحب فطرة مستيقظة أنقذهم كلهم كان اسمه ( سيدنا موسى ) كليم الله عز وجل وكان أكثر فطرة مستيقظة .

ايه اللى حصل بعد كدا ؟

بنى اسرائيل بعد اللى حصلهم بدأوا يفكروا نعمل مأتم ولا لأ ، وبدأوا يسألوا الحى التانى لأنهم كانوا منقسمين إلى حيين وأيضا كان حصل برضه فى الحى الثانى ، فقررت بنى اسرائيل أنهم يعملوا مأتم لأكبر مجزرة بشرية
وعلى فكرة دا كان أخر مأتم هيتعمل لأن عدد الأطفال الرضع اللى اتذبحوا وصلوا لألف طفل .

- طب مين المجرم الحقيقى ؟
- ليه نفذ الجريمة دى ؟
- وإيه الأسباب للجريمة ؟

كل دا هنعرفه فى المحاضرة القادمة
ان شاء الله


 

رد مع اقتباس
قديم 12-11-05, 11:15 AM   #3


الصورة الرمزية بدر حافظ
بدر حافظ غير متواجد حالياً

بيانات اضافيه [ + ]
 رقم العضوية : 10
 تاريخ التسجيل :  Aug 2011
 أخر زيارة : اليوم (12:14 AM)
 المشاركات : 7,927 [ + ]
 التقييم :  10
لوني المفضل : Cadetblue
افتراضي رد: قصة سيدنا موسى عليه السلام ..للأستاذ خــــــــالد محمود



جزاكم الله خير الجزاء أختنا الفاضله

عزتى فى دينى

كلنا متابعين بإذن الله تعالى

ولكن محاضره فى الأسبوع قليل جداااا

إلا إذا كان مصدر هذه الحاضرات تعطى أسبوعيا فعلا

فعلينا الإنتظار



 

رد مع اقتباس
قديم 12-11-05, 11:21 AM   #4


الصورة الرمزية خالد محمود
خالد محمود غير متواجد حالياً

بيانات اضافيه [ + ]
 رقم العضوية : 1222
 تاريخ التسجيل :  Apr 2012
 العمر : 28
 أخر زيارة : 14-01-19 (02:06 PM)
 المشاركات : 30 [ + ]
 التقييم :  11
لوني المفضل : Cadetblue
افتراضي رد: المحاضرة 1 : الحياة قبل مولد سينا موسى عليه السلام 1



بارك الله فيكى وربنا يعينك على الطاعة وعلى عمل الخير وربنا يتقبل منى ومنك ومن الناس كلها صالح الأعمال ان شاء الله


 

رد مع اقتباس
قديم 12-11-05, 11:24 AM   #5


الصورة الرمزية خالد محمود
خالد محمود غير متواجد حالياً

بيانات اضافيه [ + ]
 رقم العضوية : 1222
 تاريخ التسجيل :  Apr 2012
 العمر : 28
 أخر زيارة : 14-01-19 (02:06 PM)
 المشاركات : 30 [ + ]
 التقييم :  11
لوني المفضل : Cadetblue
افتراضي رد: المحاضرة 1 : الحياة قبل مولد سينا موسى عليه السلام 1



المحاضرات بتكون كل أسبوع حتى يتم التأكد من صحة جميع المعلومات والمادة العلمية وكل الروايات الصحيحة فيها وجميع التفاسير والتحضير ليها وكل هذا بياخد وقت لغاية ما المحاضرة تنزل


 

رد مع اقتباس
قديم 12-11-05, 11:32 AM   #6


الصورة الرمزية بدر حافظ
بدر حافظ غير متواجد حالياً

بيانات اضافيه [ + ]
 رقم العضوية : 10
 تاريخ التسجيل :  Aug 2011
 أخر زيارة : اليوم (12:14 AM)
 المشاركات : 7,927 [ + ]
 التقييم :  10
لوني المفضل : Cadetblue
افتراضي رد: قصة سيدنا موسى عليه السلام ..للأستاذ خــــــــالد محمود



جزاكم الله عنا خير الجزاء

وأعانكم على فعل الخيرات

وجعله فى موازين أعمالكم الصالحات



 

رد مع اقتباس
قديم 12-11-05, 11:35 AM   #7


الصورة الرمزية خالد محمود
خالد محمود غير متواجد حالياً

بيانات اضافيه [ + ]
 رقم العضوية : 1222
 تاريخ التسجيل :  Apr 2012
 العمر : 28
 أخر زيارة : 14-01-19 (02:06 PM)
 المشاركات : 30 [ + ]
 التقييم :  11
لوني المفضل : Cadetblue
افتراضي رد: قصة سيدنا موسى عليه السلام ..للأستاذ خــــــــالد محمود



اللهم أمين يارب العالمين وربنا يكرمك ويجعلك الخير فى كل وقت ويسعد أهل المنتدى أجمعين ويوفق الجميع لما يحبه الله ويرضى


 

رد مع اقتباس
قديم 12-11-05, 03:06 PM   #8


الصورة الرمزية نور الإيمان
نور الإيمان غير متواجد حالياً

بيانات اضافيه [ + ]
 رقم العضوية : 2
 تاريخ التسجيل :  Jul 2011
 العمر : 46
 أخر زيارة : يوم أمس (04:08 AM)
 المشاركات : 36,227 [ + ]
 التقييم :  14
 الدولهـ
Egypt
 الجنس ~
Female
 MMS ~
MMS ~
 SMS ~
إذا استطعت أن تخرج من الدنيا ســـليم الصدر فافعل
فإنك إن لم تملك قلوب الآخرين
فستخرج بقلـــ ب ـــك وكـــ ف ــااااك
لوني المفضل : Darkkhaki
افتراضي رد: قصة سيدنا موسى عليه السلام ..للأستاذ خــــــــالد محمود



جزاكم الله خيرا جميعا
و بارك فيكم و فى عملكم الطيب


 

رد مع اقتباس
قديم 12-11-05, 03:33 PM   #9


الصورة الرمزية حمد الفارس
حمد الفارس غير متواجد حالياً

بيانات اضافيه [ + ]
 رقم العضوية : 6
 تاريخ التسجيل :  Jul 2011
 أخر زيارة : 14-07-25 (06:07 PM)
 المشاركات : 26,569 [ + ]
 التقييم :  30
لوني المفضل : Cadetblue
افتراضي رد: قصة سيدنا موسى عليه السلام ..للأستاذ خــــــــالد محمود





 

رد مع اقتباس
قديم 12-11-08, 10:00 PM   #10


الصورة الرمزية عزتي في ديني
عزتي في ديني غير متواجد حالياً

بيانات اضافيه [ + ]
 رقم العضوية : 1186
 تاريخ التسجيل :  Apr 2012
 أخر زيارة : 14-06-05 (09:55 AM)
 المشاركات : 368 [ + ]
 التقييم :  10
لوني المفضل : Cadetblue
افتراضي المحاضرة 2 : الحياة قبل مولد سيدنا موسى عليه السلام 2



بسم الله الرحمن الرحيم

يوم جديد ومحاضرة جديدة ولسه مكملين مع قصة سيدنا موسى عليه السلام وهنعيش مع بعض بالقرأن ، والقرأن لو تلاحظوا مليان قيم كتيرة تصلح حياة الناس كلها ، والقرأن فيه قيم تحيينا فكل مرة هنركز على قيمة معينة فى قصة سيدنا موسى ونركز عليها طول المحاضرة ونعيش معاها .

النهاردة قيمة مربطة ومشبكة مع موضوع النهاردة فى قصة سيدنا موسى وقيمة النهاردة ( أوعى تظلم أحد – إياك وظلم الناس )

( أوعوا يا جماعة تظهروا قدام ربنا ظالم او معين لظالم أو ساكت على ظلم ، ولو مش قادر تعمل حاجة اطلع برا الحدود دى واختفى بعيد خالص ، أوعوا تظلموا أم – أوعوا الظلم بكل أنواعه ، إياكم ودعوة المظلوم فمفيش بينها وبين ربنا حجاب ، أوعى المظلوم يشوفك مع الظالم بتبتسم وماشى معاه فيدعى عليك وعليه معاه لأنك ماشى معاه فربنا يغضب عليه وعليك ، أوعى تمشى على أرض ربنا أو تحت سماءه وانت ظالم )

فالظالم ملعون إلى يوم القيامة ، يقول الله عز وجل :

وَنَادَى أَصْحَابُ الْجَنَّةِ أَصْحَابَ النَّارِ أَنْ قَدْ وَجَدْنَا مَا وَعَدَنَا رَبُّنَا حَقًّا فَهَلْ وَجَدْتُمْ مَا وَعَدَ رَبُّكُمْ حَقًّا قَالُوا نَعَمْ فَأَذَّنَ مُؤَذِّنٌ بَيْنَهُمْ أَنْ لَعْنَةُ اللَّهِ عَلَى الظَّالِمِينَ (44)
سورة الاعراف

فالظالم مش هيفلح أبدا فإنه لا يفلح الظالمون ، والظالم مهما الناس بتساعده فى النهاية ليس لهم من انصار ، أوعوا يا جماعة تكونوا بتظلموا فى بيوتكم ، اوعوا من ظلم الزوجة أو ضربها وإهانتها وحرمانها من حقوقها ، أوعوا من ظلم الأولاد والتفرقة ما بينهم ، أوعوا من المعاملة السيئة للوالدين فدعوتهم مستجابة ليك وعليك .

أوعوا من ظلم النفس بأنك تقبل أن حد يذلك فتقبل الذل فتكون ظالم لنفسك
يقول الله عز وجل عن الظالم يوم القيامة :

وَقُلِ الْحَقُّ مِنْ رَبِّكُمْ فَمَنْ شَاءَ فَلْيُؤْمِنْ وَمَنْ شَاءَ فَلْيَكْفُرْ إِنَّا أَعْتَدْنَا لِلظَّالِمِينَ نَارًا أَحَاطَ بِهِمْ سُرَادِقُهَا وَإِنْ يَسْتَغِيثُوا يُغَاثُوا بِمَاءٍ كَالْمُهْلِ يَشْوِي الْوُجُوهَ بِئْسَ الشَّرَابُ وَسَاءَتْ مُرْتَفَقًا (29) سورة الكهف

إذا دعتك قوتك إنك تظلم الناس فتذكر قوة الله عليك ، فى قانون عند ربنا :

أنك لو ظلمت فيسلط ربنا عليك اللى ياخد حقه وزى ما ظلمت ييجى اللى يظلمك ويأذيك وينتقم منك .


طب يالا نكمل القصة :

احنا فين دلوقتى احنا قلنا ان جنود فرعون كانوا بيدخلوا بيوت بنى اسرائيل وياخدوا الأطفال الذكور ويذبحوهم ويلقوهم فى النيل ، وبنى اسرائيل مش عارفين ليه بيحصلهم كدا ، وكانوا بيقولوا يروحوا يشتكوا لفرعون لكن كانوا خايفين ، لكنهم بدأوا يتلصصوا عشان يعرفوا مين اللى بيعمل كدا ومين اللى ورا الجرائم البشعة دى فإذا بالمفاجأة أن اللى اصدر القرار بذبح الأطفال هو
( فرعون ) نفسه .

فأصابت بنى اسرائيل مصيبة أن فرعون أصدر قرار من شهر بقتل الأطفال الذكور من بنى اسرائيل ودا ( قانون )
واتقتل حتى الأن ( 10 أطفال ) لكن بعد شوية وصل الأمر إلى ( 1000 ) طفل


طب مين اللى حاضر يسمع الكلام والأحداث دى ؟

عيلة ( أب – أم – وولادهم الاتنين )

- الأم اسمها ( يوكابيد ) وهى أم مؤمنة ومخلصة وقوية ، و ( يوكابيد ) فى اللغة العبرية القديمة معناها ( عزيزة –كريمة )

- الأب اسمه ( عمران ) وعمران دا جده سيدنا يعقوب
فاسمه ( عمران بن فاهث بن لاوى بن يعقوب )

( شايفين نسب سيدنا موسى عامل ازاى ، على فكرة ما بين وفاة سيدنا يوسف لسيدنا موسى تقريبا 400 سنة )

طب إيه اللى حصل وليه كل الظلم دا اللى اتعرض ليه بنى اسرائيل ؟

عشان نعرف ليه بنى اسرائيل اتعرضت لكل الظلم دا لازم نرجع لسيدنا يوسف ولازم نرجع لقصة بداية دخول بنى اسرائيل مصر ازاى ، وايه اللى حصل فى ال ( 400 ) سنة دى ، وإيه اللى حصل فى الفترة دى عشان ييجى بعد كدا سيدنا موسى ويخلصهم .

تعالوا نرجع ( 400 ) سنة ونعرف إزاى بنى اسرائيل دخلوا مصر :

كان فى طفل صغير اسمه ( يوسف عليه السلام ) ألقى فى البير ، وبعد كدا أتى سيارة وأخذوه وباعوه لعزيز مصر ، وعاش فى بيت عزيز مصر وكبر وراودته امرأته ، ودخل السجن بعدها وبعدين حصلت المجاعة والأزمة الإقتصادية فى مصر ، فأصبح سيدنا يوسف بعدها وبعد ما فسر الرؤيا عزيز مصر ووزير مشهور ، واستأذن سيدنا يوسف حاكم مصر فى الفترة دى انه يجيب أهله وراح جاب أهله وعيلته ودخل بنى اسرائيل مصر ، وكان سيدنا يوسف معزز مكرم فى البداية – لكن فى النهاية اصبحت بنى اسرائيل مذلولة بسبب الظلم ، وبعدين جاء الملك واستخلص سيدنا يوسف لنفسه ، وأصبح سيدنا يوسف أشهر وزير فى تاريخ مصر القديمة وهو المسئول عن خزائن الأرض كلها .

كان فى الفترة دى بيحكم مصر ناس اسمهم الهكسوس – مين دول :

دول شعوب بدوية من أصول مختلفة دخلت مصر وقعدت ( 200 سنة ) فى الوقت اللى كان موجود فيه وبيحكم فيه سيدنا يوسف ، ومكنوش مصريين وكان أول مرة حد يحكم مصر القديمة من غير المصريين ، عشان كدا المصريين كانوا مستاءين جدااااا ، أنه إزاى حد برا بلادهم ييجى ويحكمهم .


والهكسوس دول قبائل قادمة من أواسط أسيا من دولة الصين ، قبائل نزحت إلى مصر لظروف اقتصادية وهم اجناس مختلفة وأتوا زى التتار أخدوا العراق وأخدوا الشام وفلسطين ، وبعدين دخلوا على مصر واحتلوا مصر
لمدة ( 200 سنة ) ، وظلموا المصريين ظلم شديد جداااااااااا .

كره المصريين الهكسوس جدا لأن المصرى لا يقبل أن أى حد يحتل أرضه ومكنتش حصلت قبل كدا فى تاريخه أن حد يحتل ارضه ، فكان المصريين بيكرهوهم كره شديد .


والهكسوس عارفين أن المصريين بيكرهوهم ، فقعدوا يبحثوا عن أجناس تانية يساعدوهم فى الحكم ، فوجدوا واحد عظيم وعبقرى اسمه
سيدنا ( يوسف ) ، فسلموا إليه إدارة الأزمة الإقتصادية العالمية
( فكان سيدنا يوسف اقتصادى عظيم )

فقام الهكسوس وخلوا سيدنا يوسف يمسك الوزارة ودا مش مصرى وعارفين أن محدش من المصريين راضى يساعدهم .

فمسك سيدنا يوسف الوزارة وهو عارف المشكلة ما بين الهكسوس والمصريين ، فاختار سيدنا يوسف العدل ( وهى اللى ماسك حزائن مصر والعالم – هى اللى بيأكل المنطقة العربية كلها )

فاختار العدل الشديد ، إيه هوا ؟

وضع قانون ( أى حد يجيله له حمل بعير ) ، كل مواطن سواء مصرى من الهكسوس – من عيلته – من اهله – أى حد ، ملوش عنده غير بعير محمل غذاء فقط والقانون دا على كل الناس ، تقول الأية :


قَالُوا نَفْقِدُ صُوَاعَ الْمَلِكِ وَلِمَنْ جَاءَ بِهِ حِمْلُ بَعِيرٍ وَأَنَا بِهِ زَعِيمٌ (72)
سورة يوسف

كل واحد له حمل بعير مش ياخد أكتر من كدا وسيدنا يوسف مسئول انه يطبق هذا القانون على أى حد وأنه يمشى بالعدل

( عشان كان سيدنا يوسف عادل ففضلت سيرته عطرة ، وفضل محبوب بين المصريين والهكسوس وعند كل الناس )

خدوا بالكم من حاجة مهمة:

أن الكلام دا حصل فى عهد الهكسوس وكان فى الأسرة ( 14 – 15 – 16 )
والاهرامات اتبنت فى الأسرة ( 3 ) ، لأن مصر كانت متقسمة أسر ، انا ليه بقول الكلام دا لأن كل الحقائق والمصادر بتهدم كلام اليهود أنهم هما اللى بنوا الأهرامات فدى مغالطة تاريخية ، لأن الأهرامات اتبنت فى الأسرة ( 3 )
وسيدنا يوسف لما جاب عيلته كان فى عهد الهكسوس فى الأسرة
( 14 – 15 – 16 ) ودخلوا مصر فى الوقت دا ولم يدخلوا مصر قبلها .

فاستأذن سيدنا يوسف ملك الهكسوس أنه يجيب أهله ، فوافق ملك الهكسوس ورحب بالعيلة ، وهييجى سيدنا يعقوب وال ( 11 ) أخ ، فكانوا هما يداية ظهور بنى اسرائيل ، وكان عدد بنى اسرائيل لما دخلوا مصر فى الوقت دا ( 60 ) عشان سيدنا يعقوب وأولاده وألأحفاد ، دخلوا مصر ( 60 ) هيخرجوا منها ( 600.000 ) .

ملك الهكسوس حب يكرم سيدنا يوسف فقاله :

أنا هعطيكم أحسن أرض زراعية فى قلب مصر طبعا من عرق وجهد المصريين ، فرفض سيدنا يوسف عشان مش عاوز حد يشوفه فى مشهد الظلم أبدا ، ورفض بطريقته المهذبة الذكية
فقال للملك : احنا قوم مش بتوع زراعة احنا بتوع رعى ، فأعطينا أرض صحراوية بعيدة ( عشان مش يحتك سيدنا يوسف مع المصريين )
فقام الملك وأعطاه أرض ( جاسان ) والأرض دى المصريين سابينها ومش بيهتموا بيها أصلا .


فأخذ سيدنا يوسف الأرض دى جاب اهله وقال :
( ادخلوا مصر ان شاء الله آمنين )

فبنى اسرائل جاءت فى الأول إلى مصر على أنهم ضيوف ، فمش ينفع الضيف بعد كدا ييجى ويقول أنا ليا حق فى الجزء أو المكان دا وهو ضيف
( شايفين يا جماعة الحقائق بتبان وبتوضح ازاى ، انا بوريلكم الدنيا كانت عاملة ازاى وبداية دخول بنى اسرائيل مصر كانت ازاى وبنشوف الحقائق مع بعض وبنلمسها بإيدينا واحدة واحدة )

عاش بعد كدا سيدنا يوسف وأهله فى أرض جاسان ، والمصريين فرحانين أن فيه حد وشخص عادل زى سيدنا يوسف موجود معاهم .

مات سيدنا يعقوب ومات سيدنا يوسف عليهما السلام وماتوا بالفعل فى أرض مصر ، وقبل ما يموت سيدنا يوسف كان حاسس أن أخواته مش هيحافظوا على المعادلة دى والعدل دا وكان حاسس بكدا .

طب إيه اللى حصل بعد كدا ؟

مات سيدنا يوسف وسيدنا يعقوب ، وبعد ما ماتوا غيرت بنى اسرائيل سكتهم
يعنى إيه :

أخوات سيدنا يوسف مش بقوا زيه ومش فضلوا زيه ، هما مش ظلموا لكنهم
مالوا للهكسوس على حساب المصريين ، إزاى :


بقوا يشوفوا المصريين بيتظلموا ويقولوا ( وانا مالى ) ، رفعوا شعار
( وانا مالى ) ودا فى حد ذاته ظلم ، مش مهم اى حد يتظلم طالما مش من عيلتى ومش ولادى .

والمصريين شافوا اللى بيعمله بنى اسرائيل ، لكن بنى اسرائيل زودوها أكتر فبدأوا يجاملوا الهكسوس على حساب المصريين . طب ازاى ؟

يشوفوا واحد من المصريين بيضرب من الهكسوس بالكرباج ، فيقولوا انه يستاهل اللى يجراله وانه هو اللى غلطان ، كل دا عشان يرضوا الهكسوس

وبدأ المصريين يشوفوا بنى اسرائيل فى الصورة مع الظالم ، فبدأوا يكرهوهم وبدأوا يقولوا أنهم غير سيدنا يوسف ، وبدأت الكراهية الشديدة لغاية ما ترسخ فى أذهان المصريين أن بنى اسرائيل مع الظلمة .

ظهور أحمس طارد الهكسوس :



ودارت الأيام وجاء واحد اسمه أحمس وطرد الهكسوس من مصر ، وزى ما الهكسوس ظلموا ، جاء أحمس وأذلهم ذل شديد وكل اللى كانوا واقفين معاهم اتخلوا عنهم ، وبدأ أحمس يتتبعهم وطردهم من مصر وظل وراءهم لغاية ما وصل سوريا وقتلهم وقضى عليهم ودمرهم ومبقاش فى حاجة اسمها الهكسوس

( إياكم والظلم فدعوة المظلوم ليس بينها وبين الله حجاب ، وبعدين خدوا بالكم لو ظلمت هييجى ربنا ويسلط عليك اللى يظلمك ويذلك فإياكم والظلم )

أول ما أحمس قضى على الهكسوس ألتف على أعوانهم ودخل على بنى اسرائيل ، وبدأ ينتقم منهم انتقام شديد وبدأت حياتهم تتغير من العز إلى الذل
( لأنهم اتشافوا مع الظلمة وكانوا معاهم )


يقول الله عز وجل :

وَلَا تَرْكَنُوا إِلَى الَّذِينَ ظَلَمُوا فَتَمَسَّكُمُ النَّارُ وَمَا لَكُمْ مِنْ دُونِ اللَّهِ مِنْ أَوْلِيَاءَ ثُمَّ لَا تُنْصَرُونَ (113) سورة هود

اوعوا يا جماعة تركنوا على الظالم او تكونوا معاه او تقفوا فى صفه ابدا فهتكون نهايتكم صعبة جدا ووحشة جدا ، يقول النبى عليه الصلاة والسلام :

( إذا رأيت أمتى تهاب أن تقول للظالم يا ظالم فقد تودع منهم ) رواه الحاكم فى المستدرك

فالظالم لا يستجيب الله له أى دعاء ، فاللى بيظلم عشان ربنا يتقبل منه بعد كدا لازم يوقف الظلم ويتوب ومش يرجع للظلم تانى ولازم يرد المظالم لصاحبها ، فلو الظالم استغفر ربنا وتاب عن ظلمه ورجع إلى طريق الله يغفر الله له ان شاء الله ، ولو جاء المظلوم وظل يدعو عليه بعد ما تاب الظالم فلا يؤثر دعوة المظلوم على الظالم التائب

طب إيه اللى حصل لبنى اسرائيل بعد كدا ؟

هيحصل لبنى اسرائيل ( 6 حاجات ) هتغير خريطة مصر ( خدوا بالكم انا بوريكم ايه اللى حصل قبل مولد سيدنا موسى وليه فرعون عمل فيهم كدا
بوضحلكم الامور عشان تبقوا عارفين انتوا ماشيين إزاى :

1 – صدر قانون بتحويلهم من أحرار إلى عبيد .

2 – طردوا من أرض جاسان وصودرت ممتلكاتهم فتحولوا من أغنياء إلى فقراء لا يملكون شيئا .

3 – طردوا من أحيائهم وبنيت لهم بيوت من أكواخ على النيل ضعيفة جدا وتحولوا إلى أحياء فقيرة جدا .

4 – فرقوهم ومبقوش يسكنوا جنب بعض وخلوهم فى شما وجنوب النيل عشان مش يبقوا قوة واحدة .

5 – حرموهم من التعليم عشان يفضلوا فى جهل على طول .

6 – عمل شاق مستم وبدون أجر


تخيلوا هما قاعدين فى العاصمة ( برعمسيس ) وهى فى الشرقية ناحية بلبيس ، والمنطقة دى هى اللى حصلت فيها قصة سيدنا موسى ، وهى دى اللى اتفرقوا فيها ودى اللى حصلت فيها كل الأحداث ، وهى دى المدينة اللى عاش فيها بنى اسرائيل وهى اللى هيطلع منها بطل القصة
( سيدنا موسى )

بس الظلم اللى اتعرضوا ليه بسبب أفعالهم وصلهم لحاجة أسوأ :

ذل شديد ( أتعودوا أن هما يتظلموا ويسكتوا فبقوا ظالمين لنفسهم لما قبلوا ورضيوا واتعودوا على الظلم فبقوا ظالمين لأنفسهم ، ووصل بيهم الظلم لنفسهم أن ولادهم بيذبحوا أمام أعينهم ومش قادرين يتكلموا أصبحوا خائفين
ولما يذكر اسم فرعون بيرتجفوا من الخوف )

طب هو ليه فرعون كان بيقتل الذكور وبيسيب الإناث ؟

هو فى سبب معين مش هقوله دلوقتى ، لكن فى سبب خبيث جدا وهو عشان يعمل خلل فى نسبة الإناث إلى نسبة الذكور فيحصل خلل فى نسبة السكان فتكون الإناث أكثر بكثير من الذكور فتطلع بنات لا ليها زوج يتزوجها ولا ليها رجل يحميها فيكون دا أسهل فى انحرافها للرذيلة
ياااااااااااااااه شايفين الموضوع عامل ازاى ، وبالرغم من كدا قبلت بنى اسرائيل الوضع دا

( شوفتوا الذل بيعمل ايه ، يا جماعة الذل بيعمل تشوهات فى النفس أشد من تشوهات البدن والوجه ، عشان كدا رسالة سيدنا موسى صعبة وأولها
لا إله إلا الله – لأن التوحيد معناه مفيش ذل ولا خضوع إلا لله وحده )

عشان كدا قصة سيدنا موسى اخذت ربع القرأن لأن أكبر مشكلة فى تاريخ البشرية هى الظلم والذل ( إياكم والظلم فإن الظلم ظلمات يوم القيامة أوعوا يا جماعة تظلموا حد وأوعوا تظلموا أنفسكم فربنا هيجيب الحق من الظالم ولو بعد حين )

كان فى قصة بسيطة حصلت بجد :

كان فى شاب مستهتر ظالم ماشى بسيارته متسرع ومتهور وكان معاه أصحابه وكان بيوريهم قد إيه هو شاطر فى السواقة وكانوا فى الشتاء ، وخلال ما هو سائق سيارته ومعاه اصحابه كان فى كلب طلع ووقف على الأسفلت عشان بيكون دافئ شوية فالكلب طلع على الطريق عشان يدفئ نفسه ومد رجليه عشان يتدفى ،

فقال الشاب لأًصحابه هوريكم انا شاطر إزاى هروح دلوقتى وادوس على رجلين الكلب من غير ما أموته ، فدخل الشاب بالعربية وداس على رجلين الكلب فصرخ الكلب ومشى الشاب وهو يضحك .

لكن الله سبحانه وتعالى لا يقبل بالظلم ولا بالظالم ، ويمشى الشاب الأسبوع اللى بعده بسيارته وفجأة العجلة بتاعت العربية نامت ، فنزل الشاب عشان يصلح العجلة ونزل على ركبته ومد رجليه لورا ، فجت عربية مسرعة وداست على رجليه وطارت رجليه زى ما طارت رجل الكلب

( شايفين انتقام ربنا عامل ازاى ، إياكم والظلم فإن الله شديد العقاب ودعوة المظلوم يهتز لها عرش الرحمن ، فإياكم والظلم ودعوة المظلوم )

طب هيحصل ايه بعد كدا وفرعون هيعمل معاهم ايه وهما هيتصرفوا ازاى
وايه هو السبب الرئيسى فى قتل الأطفال الذكور ومين هو فرعون موسى

دا كله هقولكم عليه فى المحاضرة الجاية ان شاء الله


 
التعديل الأخير تم بواسطة عزتي في ديني ; 12-11-08 الساعة 10:18 PM

رد مع اقتباس
إضافة رد

مواقع النشر (المفضلة)

الكلمات الدليلية (Tags)
..للأستاذ, محمود, موسى, السلام, خــــــــالد, سيدنا, عليه


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

المواضيع المتشابهه
الموضوع كاتب الموضوع المنتدى مشاركات آخر مشاركة
ماذا قال الرسول صلى الله عليه وسلم عن موسى عليه السلام : الشيخ زيد البحري أحمد نور الدين قصص الأنبياء و الرسل و الصحابة و التابعين 2 14-04-03 11:58 PM
ماذا قال الرسول صلى الله عليه وسلم عن موسى عليه السلام : زيد البحري أحمد نور الدين الخطب و الدروس الإسلامية 2 13-11-16 11:04 AM
عبر وعظات من قصة موسى عليه السلام ابو عبدالملك قصص الأنبياء و الرسل و الصحابة و التابعين 2 13-09-10 05:34 PM
صحة قصة موسى عليه السلام مع الزانية حمد الفارس فتاوى و أحكام 3 12-05-30 12:53 PM
هل كان سيدنا يوسف عليه السلام يفوق سيدنا محمد صلي الله عليه وسلم في الجمال؟؟؟؟؟ توتى العمدة السيرة النبوية 5 11-12-20 11:23 AM


اعلانات نصية  

أقسام المنتدى

القسم الإسلامي @ المنتدى الإسلامي العام @ مواسم الخيرات @ السيرة النبوية @ قصص الأنبياء و الرسل و الصحابة و التابعين @ الخطب و الدروس الإسلامية @ الأناشيد و الصوتيات و المرئيات الإسلامية @ فنون و معالم الحضارة الإسلامية @ ركن الأدعية @ قسم القرآن الكريم @ تفسير القرآن الكريم @ في رحاب آية @ المكتبة الصوتية للقرآن الكريم @ تحفيظ القرآن و علوم التجويد @ قسم الحديث @ الأحاديث النبوية @ الأحاديث القدسية @ الأحاديث الضعيفة و الموضوعة @ قسم فقه العبادات و المعاملات @ فقه الصلاة @ فقه الزكاة @ فقه الصيام @ فقه الحج @ فقه المعاملات @ Islamic Forum @ General Forum @ Quran and Hadith @ Al_seerah @ feqh& Aqeeda @ Islamic multimedia @ القسم العام @ المنتدى العام @ قلم الأعضاء @ الأدب المنقول @ الأفلام الوثائقية - مشاهدة مباشرة @ فلسطين القلب الجريح @ إعرف عدوك الصهيوني @ الامثال و الحكم و الأقوال المأثورة @ بنك المعلومات و التكنولوجيا الحديثة @ المسابقات و الألغاز @ مكتبة واحة الإسلام @ المكتبة الإسلامية @ المكتبة الثقافية و الأدبية و اللغات @ مكتبة العلوم و التكنولوجيا @ مكتبة التاريخ و القانون و السياسة و الاقتصاد @ مكتبة المجتمع و التنمية البشرية @ Foreign books @ Islamic Books @ القسم الإجتماعي @ التنمية البشرية و تقويم السلوك @ جسر التواصل @ الأيتام و المسنين @ فضفضة و قضايا للمناقشة @ البيت المسلم @ الرجل المسلم @ المرأة المسلمة @ الطفل المسلم @ مكتبة الطفل المرئية @ البيت الإسلامي @ المطبخ و الديكور @ قسم التربية و التعليم @ التربية و التعليم @ اللغة العربية و علومها @ اللغات و الترجمة @ المرحلة الإبتدائية @ المرحلة الإعدادية @ المرحلة الثانوية @ التعليم الأزهري @ التعليم الفني @ قسم ذوى الإحتياجات الخاصة @ الإعاقة البدنية @ الإعاقة الذهنية @ الإعاقة السمعية و الكلامية @ الإعاقة البصرية @ التوحد @ صعوبات التعلم و التربية الخاصة @ مقالات و إعاقات متنوعة @ قسم التاريخ @ التاريخ و الحضارات @ شخصيات لها تاريخ @ المخطوطات و الأوسمة و المقتنيات التراثية @ الطوابع و العملات العربية و الاوروبية @ السياحة و السفر و الأثار @ الأقسام الطبية @ الوقاية و العلاج @ الطب النفسي @ الطب النبوى و التداوي بالطبيعة @ صيدلية واحة الإسلام @ الموسوعة العلمية الشاملة و الإعجاز العلمي @ خلق الإنسان و الإعجاز الآلهي @ موسوعة علم الأرض @ موسوعة علم الحيوان @ موسوعة علم البحار و الأسماك @ موسوعة علم الفلك @ موسوعة علم النبات @ تكنولوجيا المعلومات @ برامج الكمبيوتر @ العاب الكمبيوتر @ تعليم و صيانة الكمبيوتر @ الجوال الإسلامي @ مكتبة الصور @ غرائب و عجائب الصور @ خلفيات وصور للمنتديات @ صور متنوعة @ الاقسام الإدارية @ إعلانات و إرشادات إدارية @ المواضيع المخالفة والمكررة @ منتدى خطب الشيخ محمد عابدين علي @ علوم و معاني القرآن الكريم @ نافذة على العالم @ أحداث العالم الإسلامي @ مكتبة الطب و الصيدلة @ لم أسلم هؤلاء؟ @ الشريعة و القانون @ الأقسام الأدبية و الثقافية @ أخبار التعليم @ أقسام شيوخ و دعاة و قراء منتدى واحة الإسلام @ منتدى الشيخ اسامه السيوطي @ منتدى شيوخ و قراء واحة الإسلام @ علوم الفقه @ فقه العبادات @ فتاوى و أحكام @ إسأل شيخنا @ قسم الفلاشات الإسلامية @ التواصل مع الإدارة @ حملات واحة الإسلام @ منتدى الادارة والمشرفين @ رمضان شهر الخير @ قضايا معاصرة و حلول @ تطوير المواقع و المنتديات @ العقيدة الاسلامية @ الشباب المسلم @ خاص بالإدارة فقط @ إستشارات واحة الإسلام @ إستشارات إيمانية و دعوية @ إستشارات طبية و نفسية @ إستشارات تربوية و تعليمية و ثقافية @ إستشارات إجتماعية و أسرية @



vEhdaa 1.1 by NLP ©2009